蛋糕入門篇：朱古力香蕉蛋糕

蛋糕入門篇：朱古力香蕉蛋糕

一連幾篇介紹給各位的都是一些非常初階的甜品小吃，讓大家建立信心，現在是時候進入甜品當中最千變萬化的領域 — 蛋糕。

首先是入門篇，教大家製作香蕉蛋糕試試身手。

大家有否試過家中有香蕉熟到起曬黑點就黎爛，但太甜太淋唔想食，掉左又浪費食物？你以為係雞肋？咁就錯啦！其實呢種狀態既蕉用黎整香蕉蛋糕先係最perfect，下次記得用黎整蛋糕啦！唔同一般加香精既假香蕉蛋糕，食落健康好多架~

小tips：

1. 香蕉蛋糕的做法有好幾種，例如有d唔需要將牛油座融(呢種我覺得比較難掌握)，以下教既方法係我試過最易成功的，所以大家只要跟足步驟加dd細心，一定可以成功。
2. 選用既香蕉最好係好熟好熟同好熟。(下面材料圖中的香蕉其實未係最perfect，可以再熟多d)
3. 唔同牌子的焗爐發熱程度會有所不同，所以焗到咁上下，你可以用竹籤插入蛋糕入面，抽翻出黎係無麵糊黏住就代表熟。喜歡香口d可以將下發熱線熄左之後焗多2-3分鐘。
4. 可以加d果仁，例如核桃等，同香蕉蛋糕好夾架。

學下點整啦~ 首先材料有：

香蕉 2 條.   蛋 2 隻.   麵粉 150克.   牛油 140 克.   糖130 克. 泡打粉1茶匙.

步驟

先將香蕉壓爛備用

將牛油整融至液體狀

蛋加糖至奶白色

加入已篩麵粉拌勻

加入牛油溶液拌勻後，放入香蕉蓉和朱古力粒拌勻

將麵糊倒入紙杯(約7成滿)

放入焗爐以170度焗30分鐘

完成~作為下午茶甜點很不錯

食譜改編自：BANANA CAKE